2012- allskonar uppáhalds!

Hef ákveðið að bæta smá við uppáhaldsbloggið sem ég gerði um daginn.
Ég setti bara inn brot af listanum sem ég hafði skrifað niður, og ég ætlaði að bæta restinni við- en datt í staðinn inn á þennan spurningalista á youtube (sem ég breytti og bætti örlítið) sem ég held að væri skemmtilegt að svara því hann snýr ekki eingöngu að snyrtidóti heldur líka allskonar random hlutum.
Og að auki  fáiði  að heyra um eina snyrtivöru úr nánast öllum flokkum í þessum spurningalista svo þetta gefur aðeins heildstæðari mynd af uppáhalds vörunum mínum 2012!

Snyrtivörur
Uppáhalds vara á andlit:

Auðvitað Lioele Triple The Solution BB kremið sem ég kynntist árið 2012.
Meira um það í seinasta uppáhalds bloggi, 

Uppáhalds vara á kinnar:

ELF kinnaliturinn í Mellow Mauve- held ég hafi aldrei notað neinn kinnalit eins mikið og þennan.
Er bara svo ótrúlega fallegur og náttúrulegur á andlitinu. Finnst makeup-ið mitt ekki næstum jafn flott án hans!

Uppáhalds vara á augu:

Ég verð að setja e.l.f. eyeshadow primerinn hérna. Eina varann sem ég notaði nánast
undantekningarlaust á hverjum einasta degi allt árið. Frábær primer á frábæru verði hjá ELF. 

Uppáhalds vara á varir:

Beauty rush varasalvinn frá Victoria's Secret í litnum Sweet Sugar (þessi vinstra meginn). Þetta er varasalvi, sem heldur vörunum á manni rökum alveg ótrúlega lengi yfir daginn (maður þarf ekki alltaf að vera að setja hann á aftur og aftur)- en það sem ég elska mest við hann er að hann glansar svo fallega, lítur út eins og maður sé með fallegt gloss á vörunum því það er örlítill bleikur litur í honum og örlítill shimmer. Gerir varirnar mjög djúsí og næs.

Uppáhalds rakakrem:

Það er auðvitað Cetaphil rakakremið- sem ég hef talað stanslaust um svo ég ætla ekki að lýsa því nánar hér.
Betri upplýsingar í seinasta uppáhalds bloggi!

Uppáhalds naglalakk:

OPI í litnum Divine Swine (stal þessari mynd af einhverri skvísu!)  Bleikt glimmer naglalakk sem ég held ég verði að segja að ég hafi verið hrifnust af árið 2012. Mjög erfitt val engu að síður.

Uppáhalds vara í hár:

Macadamia healing oil treatment- Auðvelt val í þetta skiptið. Hef einnig talað um þessa olíu meira en velsæmismörk gera ráð fyrir- og þið getið lesið nánar um þetta í nýjasta uppáhaldsblogginu mínu. (Fyrir utan jú það að ég gerði heilt blogg tileinkað Macadamia hérna í denn sem ætti að vera hægt að finna einhversstaðar á síðunni).

Uppáhalds ilmvatn/bodylotion/skrúbbur:

Wonderstruck- Taylor Swift ilmvatnið- jáb ég er endalaust að endurtaka mig. Meira um þetta ilmvatn í nýjasta uppáhalds blogginu!

Random
Uppáhalds skart:

Yfirvaraskeggið var í algjöru uppáhaldi þetta árið. Búin að vera með það stanslaust á hendinni án þess að taka það svo mikið sem einu sinni af síðan ég keypti það í febrúar 2012. Elska lítil "viðkvæm" armbönd og hálsmen. Fallegt!

Uppáhalds skór:

Dr. Martens skórnir sem mamma gaf mér í afmælisgjöf 2011- byrjaði ekki að nota þá neitt af viti fyrr en á liðnu ári. Og núna get ég auðvitað ekki verið í neinu öðru! Hahah..

Uppáhalds sjónvarpsþáttur/bíómynd:

Það verður að segjast eins og er. The Walking Dead er þátturinn sem mér fannst standa upp úr árið 2012- byrjaði reyndar að horfa á hann seint á árinu en varð gjörsamlega húkt. Myndi gefa annað nýrað fyrir að vinna við förðun í svona þætti! haha

Uppáhalds bók:

Það er engin leið fyrir mig að muna hvað ég las og hvað stóð upp úr. Les allt of mikið og man í augnablikinu ekki nafnið á neinni bók nema ég las auðvitað Hunger Games bækurnar. Fyrsta bókin var mjög fín- seinni tveir ekkert það besta sem ég hef lesið samt. Byrjaði svo að lesa Fifty Shades of Grey... á ekki mikið eftir af henni en ég get bara ekki fengið mig til þess að lesa meira hún er svo dreepleiðinleg hah! Gerist nákvæmlega ekkert í henni og hún er sjúklega langdreginn- don't get the fuzz!

Uppáhalds matur:

Mér fannst Sushi einhvernveginn vera matur ársins 2012- fannst ég sjá fátt annað en sushimyndir í newsfeedinu mínu og þar að auki byrjaði ég fyrir alvöru að elska sushi þetta seinasta ár. Hafði nokkrum sinnum smakkað áður i gegnum árin en aldrei verið hrifin. Held það hafi einhver Sushi baktería verið að ganga seinustu 2 árin eða svo. Eða ég er bara late on the bandwagon!

Uppáhalds drykkur:

Grænt og svart te- Tedrykkja mín fór úr 1-2% upp í 80% á árinu. Drekk grænt og/eða svart te á hverjum degi og líkar það mjög vel- engin önnur leið betri til að byrja daginn minn!

Uppáhalds lag:

Ég kíkti bara í iTunes til að tjekka á mest spilaða laginu því ég get engan vegin valið úr öllum uppáhalds lögunum mínum árið 2012. En þetta er semsagt efst á lista í iTunes- enda eðal lag fyrir litla rómans jönkís eins og mig!

Vona að þið hafið haft gaman af þessu elskurnar.
Fínt ár- svona ef litið er á þessa einu litlu færslu.
En guði sé lof að þetta erfiða ár er liðið og farið! 

-Kata!
Glimmer&Gleði á facebook!