Gleðilegt nýtt ár! (eftir nokkrar klukkustundir)

Fullt að gera í spilamennsku og fjölskyldutíma auk smá vinnu og veikinda í þessu jólafríi sem skýrir hversvegna þessi síða hefur verið algjörlega dauð.
Biðst afsökunar á þessu, en á döfinni er Þorláksmessu/vinnu lookið, áramóta lookið og svo "haul" eða bloggfærsla með þeim snyrtivörum sem ég fékk í jólagjöf fyrir þá forvitnu :)
Allt þetta og MIKLU meira á nýja árinu!

Takk æðislega fyrir að kíkja hér á mig og hvetja mig til að blogga á þessu fyrsta ári síðunnar.
Verð vonandi jafndugleg og helst duglegri að blogga á nýju ári, en þangað til segi ég bara:

Gleðileg nýtt ár og farsæld á komandi ári!
Takk fyrir það gamla

JólaJóla!

Hugmynd af einföldu, gylltu jóla looki fyrir þær sem eru ekki vissar hversu langt á að ganga eða vantar einfaldlega hugmyndir :)
Persónulega myndi ég segja að maður eigi ekkert að vera að ofgera make-upið á jólunum, gaman að geta skellt smá gulli og jafnvel smá skugga (ekki of dökkum) án þess þó að maður fari að fara of nálægt áramóta-lookinu.
Á jólunum er líka svo viðeigandi að vera með skærrauðan varalit, sem er flott ef maður er ekki með augun í einhverjum regnbogalitum.
Ég skellti því í gull/brúna augnmálningu og áberandi rauðar varir, góðar líkur á að þetta fái að njóta sín á aðfangadag sem er ekki langt undan!

-Kata!
(Löglegt að like-a!)

Þurr húð?

Heil og sæl öll!
Nú er frostatíð úti og þá fer að bera á þurrkublettum og flagnandi skinni hjá okkur þurrhúða-fólkinu! (Og jafnvel öðrum)
Það er mjög mikilvægt að gefa húðinni raka og hirða vel um hana, sérstaklega í andlitinu þar sem húðin er hvað viðkvæmust.
Ég hef í gegnum tíðina verið í miklu veseni með t.d. flögnun, og þegar ég setti farða yfir allann þurkinn að þá magnast hann bara upp og verður mun sýnilegri, jafnvel þó ég hafi sett rakakrem undir. Hjá flestum er þetta nú ekkert eins og hálft andlitið sé bara að fjúka af, en þegar nær er komið tekur maður eftir því að farðinn er ójafn, þurrkublettir eru augljósir og það er einfaldlega bara óþolandi að ráða ekki almennilega við þetta.

Hjá mér lagaðist þetta helling eftir að ég fjárfesti í andlits-skrúbbi; krem eða gel sem inniheldur í flestum tilfellum agnir af sandi eða álíka grófu efni, sem maður nuddar í hringi yfir andlitið og leysir þar með dauðar húðfrumur sem maður skolar svo af. Mikilvægt er að nota alls ekki body-skrúbb, því hann er venjulega allt of sterkur og grófur fyrir andlitið, við viljum ekki rispa húðina, heldur bara örva hana og losa okkur við þessar dauðu húðfrumur. Um að gera að spyrja í næsta apóteki eða snyrtivöruverslun hvort þær séu að selja andlits-skrúbb, annars er alltaf hægt að panta á netinu og ég hef gert það hingað til.
Gott er að endurtaka þetta 1-2 í hverri viku svo að húðin viðhaldi sér(mikilvægt að gera ekki of oft, fer eftir grófleika skrúbbsins), og það er mjög mikilvægt að vera með gott rakakrem tilbúið eftir á, því húðin er opin og sýgur í sig rakann, sem hjálpar auðvitað til við að koma í veg fyrir áframhaldandi þurrkubletti.

Þegar rakakrem er valið er mikilvægt að það henti þinni týpu af húð, hvort sem hún er þurr, blönduð eða feit. Það að nota vitlaust rakakrem getur gert meira neikvætt en jákvætt, t.d. ef þú ert með þurra húð og notar rakakrem sem ætlað er fólki með feita húð, ertu í raun ekki að fá þann raka sem húðin þín þarfnast, og jafnvel þurrkast hún enn meirr. Sama með feita húð, ef hún er hulin kremi fyrir þurra húð, verður hún bara enn feitari og olíumeiri.


Svoleiðis að þið þurr-félagar mínir, ættuð að fá hjálp ( ef þið eruð ekki viss) frá fagaðila t.d. á snyrtistofu eða í snyrtivöruverslun, við að velja krem sem hentar ykkur.

Þessi skref virka fyrir mig til að stuðla að því að húðin verði sem heilbirgðust og líti sem best út, með og án farða!
Að lokum er óhætt að benda á að auðvitað herjar frostið oft á húðina á öllum líkamanum svoleiðis að body-skrúbb og body lotion er góð hugmynd í og eftir sturtu allavega 2svar í viku fyrir allann líkamann :)

Megið þið eiga þurrk-lausan og yndislegan desembermánuð!
-Kata

Gott eða slæmt?- Smoky Brown frá e.l.f.

Jæja þá er það nýr liður á blogginu, ætla að hafa svona "review" á hinum og þessu vörum, líklega mest naglalakki samt (:

Í dag er það naglalakkið Smoky Brown frá e.l.f.
Ég á 4 liti frá e.l.f. og ég elska þá alla voða heitt, en að sjálfsögðu eru þeir ekki allir jafn þykkir/þunnir og eru misgóðir. Snilldin við e.l.f. lakkið er að það kostar bara 490 kr.- á íslensku e.l.f. sölusíðunni en flöskurnar innihalda samt 10 millilítra (í samanburði er O.P.I lakkið 14.7 millilítrar, ekkert mikið stærra, en kostar á bilinu 1.800-2.000 kr!)
Þannig fyrir þá sem eru ekki alveg tilbúnir að eyða svo miklu í naglalakk þá er e.l.f. frábær lausn.

Smoky Brown
Liturinn er nú eiginlega bara eins og nafnið segir til um, smoky brown, eða fallegur, hlýr grábrúnn/taupe litur, og í birtu virðist hann hafa einskonar fjólubláa undirtóna.
Lakkið er fullkomið í þykkt, ekki of þykkt og ekki of þunnt.
Ein umferð er alveg nóg, sérstaklega fyrir fólk  með stuttar neglur, ef þær ná fram fyrir fingurgómana eins og hjá mér, sér maður að lakkið þekur ekki alveg fremsta partinn af nöglinni ef maður ber hendurnar upp að ljósi.
Mér finnst líka betra að setja alltaf minnst 2 umferðir af lakki til að það endist lengur. En ein er samt sem áður nóg fyrir fólk sem er ekki með fullkomnunar áráttu gagnvart naglalakkinu sínu! :)
Lakkið þornar með glansáferð, en það er svo undir þér komið hvort þú kýst að undirstrika það með glansandi yfirlakki eða að matta það niður með möttu yfirlakki. Ég er alltaf meira fyrir glans-finish!
Mæli algjörlega með þessum lit: Auðvelt að setja hann á, þekjandi, engar strokur heldur þornar það slétt og glansandi og er auðvitað ódýrt ;)

Án yfirlakks

Án yfirlakks

-Kata

Naked 2 !!!

Jæja... líf mitt hefur öðlast nýjan tilgang!
Urban Decay opinberaði nýja Naked palettu, sem ber nafnið Naked 2 í gær, 1.desember (viðeigandi til að fagna 20 ára skírnarafmælinu mínu).. ekki að það tengist nekt á nokkurn hátt!

En allavega, ég man ekki hvort það var á þessari síðu eða gömlu þar sem ég var að missa vitið yfir Naked palette (1. útgáfu) og gat ekki beðið eftir að komast út fyrir landsteinana til að fjárfesta í einni slíkri! Það gerðist í New York í júní og núna er komin önnur útgáfa!
Hjá mér komu eiginlega bara jól þegar ég  flaug um óteljandi síður internetsins og naut þess að skoða hinar margbreytilegu umfjallanir og dóma um palletuna!
Fæstir skilja líklega þennan spenning, í fyrsta lagi vegna þess að það er kanski ekkert algengt að fólk gangi svona af göflunum út af nokkrum augnskuggum, og í öðru lagi því flestum (þá meina ég helst þeim sem eru ekki förðunar-fanatics) finnst þessi palletta bara alveg eins og hin!
Ég skal viðurkenna að þeir eru svipaðir... En að sjálfsögðu verða þeir það, það er bara til svo og svo mikið af náttúrulegum litbrigðum sem fara ekki út í skærari liti.
Allir litirnir eru nýjir nema einn, half baked, sem er líka í gömlu (enda fáránlega mikið notaður hjá flestum) og svo fylgir Lip Junkie gloss með og inn í pallettunni er svo tvíhliða augnskuggabursti, annar til að pakka skugganum á augnlokið og hinn til að blanda og gera allt fínt og fallegt!
Fegurðin er svo hér:

Mæli svo með því að þið googlið "Naked 2 swatches" ef þið viljið sjá skuggana betur og jafnvel í samanburði við hina. Og svo læt ég fylgja með, mynd af gömlu góðu sem hefur sko verið mikið notuð á mínu heimili!

-Kata!